Dar se unke bhagaae jaate haiN

غزل

درسےان کےبھگائےجاتےہیں

اب کہاں ہم بلائےجاتےہیں

پہلےنظریں ملائی جاتی تھیں

آج دامن بچائےجاتےہیں

مرکےسوبارجی چکےپھربھی

وہ ہمیں آزمائےجاتےہیں

مصلحت سےبنےتھےجورشتے

ہم انہیں بھی نبھائےجاتےہیں

یاد آتی ہےجب کبھی تیری

ساری دنیابھلائےجاتےہیں

دن تری فکرمیں گزرتاہے

اشک شب میں بہائےجاتےہیں

سعد پتھرکی ایک مورت کو

اپنےدل کی سنائےجاتےہیں

UnwaN tera, charcha tera, baateN teri

غزل

عنواں ترا، چرچا ترا، باتیں تری

تونہیں توساتھ ہیں یادیں تری

سیکڑوں عنواں ہیں تیرے ذکرکے

چہرہ ترا،زلفیں تری،آنکھیں تری

ان پناہوں سےتوعمدہ کچھ نہیں

سایہ ترا،شانہ ترا،باہیں تری

بن تیرے دنیا میں میراہےہی کیا

مجھ میں بستی ہیں صنم سانسیں تری

اک سفرکوچھوڑکرسب ہیں ترے

منزل تری، رہبرترا، راہیں تری

عشق سچا ہےتراتوسعد پھر

کیوں نہیں پہنچیں بتا آہیں تری

Khud ko sanam kade se bachata raha koi

غزل 

خود کو صنم کدے سے بچاتا رہا کوئی 

لہجہ بدل بدل کے بلاتا رہا کوئی 

                                                                                                   

ہم نےشمع جلا ئی زمانےکےواسطے

گھر میں ہمارے آگ لگاتا رہا کوئی 

دوایک ہوں توذکربھی کردوں مگریہاں

عنواں بدل بدل کے ستاتا رہا کوئی 

احسان کرکےہم پہ مسلسل مرےخدا

احساس بےبسی کا دلاتا رہا کوئی 

غیبی مدد کےجھانسےمیں رکھ کرنہ جانےکیوں

راہ عمل سےہم کوہٹاتا رہا کوئی 

نفرت کی بیج بوکےدلوں میں عوام کے

امن واماں کا ڈھونگ رچاتا رہا کوئی 

فاقہ کشی کا درد چھپانےکےواسطے

جھوٹی ہنسی لبوں پہ سجاتا رہا کوئی 

Chalo aisa kareN sub ko bula leN

چلو ایسا کریں سب کو بلالیں

بکھرنےکا نتیجہ ڈھونڈ ڈالیں

شب غم میں سبھی گھلتےہیں تنہا

کوئی شب ساتھ میں اسکا مزالیں

انہیں دیکھا ہے جب سے ہوش گم ہے

نشے میں ہوں مجھے آکر سنبھالیں

تبسم ہو یا ہو دشنام لب پر

ہمارے واسطے کچھ تو نکالیں

Teri hi saughaat hai janaN

غزل

تیری ہی سوغات ہےجاناں

ہرموسم برسات ہےجاناں

اتراؤنہ حسن پہ اپنے

شہ کےپیچھےمات ہےجاناں

میں ہوں صراحی توپیمانہ

اپنی اپنی بات ہےجاناں

تاریکی سےدن کےیارو!

سہمی سہمی رات ہےجاناں

توجوہمارےپاس نہیں ہے

یادوں کی بارات ہےجاناں

سعدکےشعروں میں کچھ ہےتو

بہکی بہکی بات ہےجاناں

Ab or seyaahi na badhaao maula

دعائیہ غزل

اب اور سیاہی نہ بڑھاؤ مولیٰ

دامن کومرےاس سےبچاؤ مولیٰ

مسدود نہ ہوجائیں کہیں رستےسارے

اس راہ پہ اتنا نہ چلاؤ مولیٰ

جس نورسےموسی کوغشی آئی تھی

وہ نور میرے دل میں سجاؤ مولیٰ

دل پھیردو دنیا کے خداؤں سےمرا

یا پاس مجھےاپنےبلاؤ مولیٰ

ہرروز گناہوں میں اضافہ، توبہ!

اس روزکے جھنجھٹ سے بچاؤ مولیٰ

یوں سعد خطاؤں کا ہے پتلا لیکن

کس کا ہے یہ شہکار بتاؤ مولیٰ

یہ شعرہی آنسوں ہیں ندامت کے مرے

رحمت کا نمونہ بھی دکھاؤ مولیٰ

Aaj apna huN na zamaane ka

غزل

آج اپناہوں نہ زمانےکا

یہ نتیجہ ہےدل لگانےکا

ظلم جاری ہےلب پہ پہرہ ہے

کیاسلیقہ ہےآزمانےکا

سارےمرکزہیں مختلط یارو!

کوئی عنواں نہیں فسانےکا

دل حزیں جب ہوا صدا آئی

چوٹ کھانےکا بھول جانےکا

ہم نےسیکھاہےڈھب یہ کلیوں سے

مشکلوں میں بھی مسکرانےکا

اس نےرکنےدیانہیں ہم کو

کتنااحسان ہےزمانےکا

سعد آیاہےوقت اٹھ جاؤ

دل جلانےدیابجھانےکا

Kaisi guzre hai mukhtasar kahyo

غزل

کیسی گزرے ہے مختصر کہیو

نیند آئے نہ رات بھرکہیو

روزو شب ان کا نام لیتے ہیں

ان سے ملیو تو نامہ بر کہیو

وہ نہیں ہیں تو کچھ خلا سا ہے

سونا سونا ہے میرا گھرکہیو

کچھ تو رکھ لیں بھرم محبت کا

راہ تکتے ہیں رہ گزر کہیو

کون آتا ہے جاکے محفل سے

پھر بھی رہتا ہوں منتظر کہیو

سعد آئے گا ان سے ملنے کو

پورا ہونے کو ہے سفر کہیو

Pahle si ta'alluqaat meN hiddat nahiN rahi

غزل

پہلےسی تعلقات میں حدت نہیں رہی

شایدانہیں ہماری ضرورت نہیں رہی

دستاررہبری ہی کیااخلاق بھی گیا

جوبھی ہمارےپاس تھی دولت نہیں رہی

جادیکھ کمیں گاہ میں کیا - کیاکھلےہیں گل

کس نےکہابہارکوفرصت نہیں رہی

اب ما نگتےہیں اپنی سہولت کی بھیک وہ

کرداررہبراں میں بھی عظمت نہیں رہی

آتےہیں اب ہمارےبھی ماتھےپہ کچھ شکن

مشکل میں مسکرانےکی عادت نہیں رہی

مجبورآہ ونالہ وفریادہوگیا

اب سعدمیں بھی سعد کی خصلت نہیں رہی

GuloN ki naaz bardaari kare he

‌‌‌غزل

گلوں کی ناز برداری کرے ہے

یہ کانٹا خوب عیاری کرے ہے

کوئی غلطاں ہے لمحوں کے سفر میں

کوئی صدیوں کی تیاری کرے ہے

کوئی قطرے کو ترسے ہے زمیں پر

کسی پہ فیض تو جاری کرے ہے

مرا ایمان بھی محبوب سا ہے

کبھی روٹھے کبھی یاری کرے ہے

وہی بخشے سکوں قلب وجگر کو

زمانہ زیست جب بھاری کرے ہے

ہجوم رنج وغم میں آدمی پر

جنوں کی کیفیت طاری کرے ہے

زباں سے کچھ نہیں کہتا ہے لیکن

دلوں کی بات وہ ساری کرے ہے

ہزاروں دشمنوں کا کام یارو

نئی نسلوں کی بےکاری کرے ہے

غزل کی فکر میں ہے غرق اتنا

گماں ہو سعد مے خواری کرہے